Lehen Taldea 21 mai. 2026

Osasunak Getaferen aurkako partida prestatzen jarraitzen du 

Biharko entrenamendua ateak irekita izango da Sadarren 18:00etan

Club Atlético Osasunak lan saioa egin du gaur Taxoaren, larunbatean (21:00etan) Getaferen aurka Coliseumen jokatuko duen denboraldiko azken partida prestatzen jarraitzeko.

Partidatik bi egunetara ohikoa denez, taldeak bi zatitan banatu duen entrenamendua egin du. Lehenik eta behin, estrategia ateak itxita landu du, eta, ondoren, tenis-futbolarekin osatu du ateak irekitako saioa. Raúl Morok eta Víctor Muñozek bakarkako lana egin dute.

Taldeak bihar, ostirala, amaituko du prestaketa, 18:00etatik aurrera Sadarren ateak irekita egingo den saioarekin. Zaleak, bazkideak zein bazkide ez direnak, 17:30etatik aurrera sartu ahal izango dira saio honetara 3, 20, 21 eta 27 ateetatik. Entrenamenduaren aurretik, 17:15ean, Alessio Liscik prentsaurrekoa eskainiko du Radio Osasunan eta Osasuna TVn.

Azken albisteak Guztia ikusi